بسم الله الرحمن الرحيم
السلام عليكم ورحمة الله وبركاته
فالبداية حبيت اهنيكم بعيد الأضحى المبارك
كل عام وانتوا بخير وعساكم من العايدين
وأقول حق إلي مسافرين للحج : حج مبرور .. وذنب مغفور .. وسعي مشكور
^ـــ^
حبيت اهديكم تصاميم انا مسويتنه وتاعبه عليه اتمنى إنه ينال إعجابكم
قبل لا أراويكم إياه أباكم تستغفرون ربكم 10 مرات
( فاصل ونواصل )
استغفر الله .. استغفر الله .. استغفر الله .. استغفر الله
استغفر الله .. استغفر الله .. استغفر الله
استغفر الله .. استغفر الله
استغفر الله
...............
( عندنا )
الحمدلله خلصنا من الاستغفار .. الله يغفر لكم ذنوبكم .. آمين .. والحين نرد لموضوعنا
انا سويت التصاميم على شكل بطاقات
وتتكون من 3 مجموعات
المجموعة أولى : أذكار الصباح والمساء
المجموعة الثانية : أذكار النوم
المجموعة الثالثة : يتكلم عن الصلاة هو متنوع إن شاء الله يعجبكم
وآخر شيء اهديكم الفاصل حق القرآن
إن شاء الله أشوفكم خاتمين القرآن
وهذا العمل خالص لوجه الله
اتمنى من الجميع أن ينشره
( من دعا إلى الهدى كان له من الأجر مثل أجور من اتبعه لا ينقص ذلك من أجورهم شيئاً )
تقدرون اطرشونها عبر الايميل أو عبر المنتديات أو إنكم تطبعونها وتهدونها لربيعاتكم أو تحطونه فالبيت فالمكان الإ كل حد يقدر يشوفه ويقراه
صدقوني ماراح ياخذ من وقتكم بس الإ عليكم إنكم تطبعونه وتسون له تغليف حراري
تقدرون تسونه على شكل كتيب بالسلك
أو
إنكم تخرمونه وتربطونه على بعض بالشرايط وتحطونه في المكان الإ تبونه .. على راحتكم
للتنويه : جميع الصور راح تكون في رابط واحد حطيته لكم في وورد بس ما عليكم غير إنكم تطبوعنه
هذا هو الرابط :
جميع الحقوق محفوظة لدى زهرة الإيمان
يعني محد يسير وينسبه لغيره
الشغل متعوب عليه خذ مني 3 أيام أو أكثر .. قولوا ما شاء الله
اتمنى إنه يعجبكم
إذا عندكم فكرة أو شيء تبوني أساعدكم فيه أنا حاضره
....................
أسأل الله الواحد الأحد ألا يحرمكم من سبعة :
رزقه .. وتوفيقه .. ورحمته .. ورضوانه .. وجنته .. وصحبة نبيه
اللهم آمين
..........................................
(( سيد الاستغفار ))
اللهم أنت ربي لا إله إلا أنت خلقتني وأنا عبدك
وأنا على عهدك ووعدك ما اتطعت أبوء لك بنعمتك علي
وأبوء بذنبي فاغفرلي فإنه لايغفر الذنوب الإ أنت
...................................
لاتنسوني من صالح دعائكم
ادعولي دعاء بظهر الغيب
أختكم فالله .. زهرة الإيمان
للتواصل عبر الإيميل :
بارك الله فيج حبيبتي
ردحذفوجعله في ميزان حسناتج
تدويناتج اكثر من رائعة
جزاكِ الله الفردوس الأعلى